Lusong

Puyat sa sobrang tulog
At balisa sa kawalan

At bagamat mata'y matagal ng dilat
Liwanag ay di pa rin maaninag

Saan magsisimulang gumuhit?
Iguhit ang linya sa palad?

Paano?
May oras pa ba?

Isang maliit na hakbang
lang ay sapat na

para mabaybay ang
virgeng kalsadang
may bahid
ng tukso't abala

Bukas paggising
pipilitin ulit ibangon ang
mga natutulog
na pangarap

At iuunat
ang mga gusot
sa tinuping
larawan ng bukas